|
سرّ !
عصفور حظّك لك جناحين وتْطير.. تمر من في خاطرك ودّك تْمرّ ! اللي لهم شوقٍ بقلبي وتقدير .. اللي لقاهم يسعد الروح و يْسرّ ! صبّح عليهم فالصباحات بالخير موّل على الشّبّاك ألحاني وْجرّ ! عْصير كله حزن يا حزّة عْصير .. وانا الوحيد اللي شرب طعمه المرّ ! مرّوا شبابيك المسا طْيوفٍ تْسير .. ضايق م هو مـ الماء ضايق من البرّ ! يا طير رجلي اتعبتها المشاوير .. والشرّ شفته لين اصبح مـ هو شرّ ! يصير لو قلنا مـ هو ممكن يْصير .. حتّى الضرير أحيان ماكنّ به ضرّ ! ضامي .. وانا ساقي .. على قفّ ذالبير.. حتى السنين الضّامية .. م انتجت بُرّ ! يا طير انا بآقول لك سرّ يا طير .. سرّ ٍ يضيّق صدري وْ صدر أي حرّ ! تدري وش اللي دار في خافقي غير .. حلمٍ حلمته سرّ .. واصبح مـ هو سرّ! ياطير ودّي الحين أرجع وانا صْغير .. واحضن أبوي .. الله يسقي وانا غرّ ! . . محمد الناصر الشهري |
الصَباح لحنُ هَذَا الإمتاع !
يِصح إحساسك والبَنان يامطر . http://www.albrens.com/vb/uploaded/4563_1251393963.gif |
صباحك نور.
الرائع محمد الناصر الشهري من الشعراء القله الذي يطوعون الحرف ليكتب لهم سحراً الله عليك هنا شعر. تشرفت اخي بمتابعتك تقبل تقديري |
ياطير ودّي الحين أرجع وانا صْغير ..
واحضن أبوي .. الله يسقي وانا غرّ ! محمد الشهري ليتها تتحقق الأماني كم هي جميلة ومؤلمة بنفس الوقت سأتابع كل حروفك هنا كل الشكر . واكثر |
محمد الناصر الشهري
يعجز التعبيرامام هذا الحضور الباذخ تقبل مروري ومتابعتي الدائمة أختك رزان |
صباحك خير ونور وعطور يا محمد
حضور اسمك وقراءة شعرك تبهج الناظر وتسر الخاطر مبهج في طرحك تقبل الود :) |
| الساعة الآن 01:23 AM |
Powered by vBulletin® Copyright ©2000 - 2025, Jelsoft Enterprises Ltd.