غلطتنا (نصيحه لابنائنا)
 

هنا ذكريات الدراسه
اتمنى ان يتعض البعض
تقديري لكل من يمر من هنا


[POEM="font="Simplified Arabic,5,black,bold,italic" bkcolor="transparent" bkimage="" border="none,4,gray" type=2 line=1 align=center use=ex num="0,black""]زمان تدور ايامه اشوف الوقت بي يرجع=اوقف داخل الحصه اشوف احداث عاشتنا

شقاوتنا وحنا صغار لشرح الدرس مانسمع=نبي نلعب ونستانس بريئه حيل رغبتنا

نحاول نترك الحصه بخلق اعذارنا نقنع=نمثل بالتعب دايم ننام بوقت حصتنا

كثير دروس فاتتنا نحاول نلحق ونسرع=نسينا نكتب الواجب حقيقه ذيك حالتنا

بسرعه ننقل الواجب متى يدق الجرس نطلع=ثقيله حيل هالحصه ممله من عباطتنا

نرمي قطعة الطبشور صواريخ الورق نصنع=نعاند بالمدرس لين يطفش من هبالتنا

نحب نصير مشهورين صراحه بالخطا نبرع=على باب الاداره دوم روحتنا ووقفتنا

نضيع وقتنا فاشياء غريبه دوم ما تنفع=نحاول نبتدع لعبه جديده تصير لعبتنا

ثقيله حيل قومتنا نحب النوم مانشبع=نبي نسهر مع العالم جكاره بوضع سهرتنا

ووقت المدرسه بدري نقوم اشياءنا نجمع=ضياع اغراضنا حاله معاده بوقت قومتنا

نعيش اهمال ماندري بواقع نحسبه اروع=نرد النصح للناصح ياويله من عداوتنا

ندمنا بعد مافات الاوان وصعب نسترجع=ضياع سنين بالعمر بنبدل وضع سيرتنا

نشوف اصحابنا صارو حمد ضابط ومستمتع=سعد دكتور فعيادة وبدر قنصل سفارتنا

وربع الفرفشه عاشو نجر عامل وفي مصنع=وانا سواق في تكسي ونشكي حال عيشتنا

ياليت العمر بي يصغر تعود ايامه بنرجع=نجد ونجتهد ندرس نجد بكل طاقتنا

عرفنا صح يامدرس سلام المدرسه انفع=جهلنا غرنا وضعنا وجنينا زرع غلطتنا[/POEM]

جمال العتيبي

نص رائع وراقي
صح قلبك
كن بخير

سيدة الغياب

اسعدني مرورك

تقديري لك

دمت بهذا الجمال ياجمال

وائل فهد

صح بدنك لاهنت

تقديري لك