سـريـت مـسـرى الـذيـب يـوم الـعـالـم اغـراهـا الــرقــاد
عـارف طـريـقـي دون مـارقـب نـجـم لـجـل اسـتـرشــده

قـريـت فـي صـفـحـة كـتـاب اللـيـل عــن ســر الــســواد
وعـرفـت الـبـسـه أبـيـضــه مــن قــبــل اجــرده اســوده

كـشـفـت عـن وجــهــة بــلادٍ مــادرت عــنــهــا الــبــلاد
جــنــه نــديــه دربــهــا مــاغــيـــري اللـــي يـــرصـــده

ولا خـطـر فـي بـالــي تــصــدقــنــي اســراب الــجــراد
جـنـاحـهـا مــاهــو جــنــاح الــشــوق لــو هــي تــفــرده

تـقـطـف ثـمـار الـغـرس قـبـل الـغـرس يـاذن بـالـمـعــاد
والـزع مـن قـبـل الـحـصـاد يـحـيـن وقــتــه تــحــصــده

يـطـري عـلـى بـالـي مــع الــســجــات قــولٍ مــايــعــاد
رغــم ان غــيــري كــل مــاهــوجــس يـــقـــوم يـــردده

حــره تــغــازلــنـــي وهـــي فـــي أول ايـــام الـــحـــداد
تــقــديــر عــدتــهــا عــلــى كــيــف الــمــزاج تــحــدده

هـي وحـدهـا تـعـرف مـكـانـي قـبـل مـاامـنـحـهــاالــوداد
لا غــبــت عــنــهــا بــادرتــنــي بــالــغـــرام تـــجـــدده

مـاهـي حـكـايـة بـيــنــنــا فــي مــامــضــى مــلــحٍ وزاد
وان جـعـت واسـتـجـديــت زاده عــنــك زاده يــجــحــده

مـا اسـرفـت فـي تـوصـيـف حـالـه تـسـتـحـق الإجـتـهـاد
مـادمـت عـنـدي عـقـل أفـكــر بــه فــلــيــه اســتــبــعــده

هــذا أنــا طــبــعــي كــذا شــاعــر أهــيـــم بـــكـــل واد
لـكـن هـيــام اهــل الــتــمــلــق والــهــيــاط اســتــنــقــده

عـن قـول وايـا الـخـيـل يـاشـقــرا عــزمــت الإبــتــعــاد
ودك بـبـعـض الـنـاس حــتــى لــو كــســبــتــه تــفــقــده

كـبـوة جـوادي غـيـر عــن كــل الــجــيــاد اللــي تــقــاد
مـانـي بـمــثــل اللــي بــغــفــلــه مــنــه تــغــتــالــه يــده

مـا احـيـد عـن قـول الـصـراحـه لـو تـعـمـدت الــحــيــاد
هـذا طـريـقـي مــاســمــح لــغــيــري يــجــي ويــحــدده