انا فاضي ..
اسولف لك عن الماضي !!
عن اللي راح بالفاضي
عن احلامي : اسولف لك ...
تصدق .. ماني براضي !!
على الفاضي ..

يروح الوقت ..
من عمري وهو يجري ..
وانا جالس على خبري
افكر من يروح الوقت ..
واهوجس لي متى صبري !!
على الفاضي ..

وقفّ ساقه ..
يعيد و يقلب اوراقه
تذّكر شي ما ذاقه ..
وقف يسترجع الماضي
وعوّد ثم ( كسر ساقه )
على الفاضي ..

كثير اشياء ..
من ماضي لها طاري .
مثل ردّي عن اخباري ..
اقول بخير وفيه اشياء
( ولكن تُحفظ اسراري )
على الفاضي ..

ومن ماضي !!
اجيب الحاضر الغايب ..
وفي صدري عتب شايب
انا مخلوق من ماضي ...
"وماضني اجي تايب"
على الفاضي ...
اسولف لك
عن الماضي ..

#بداح_الشويب

المشاركة الأصلية كتبت بواسطة رشا عرابي (المشاركة 1017187) وكم تُعجزنا الحيلة بالتّصبر ذات تذكّر بوح شفيفٌ عفوي لك التّحايا سامقات

المشاركة الأصلية كتبت بواسطة صبري القاسم (المشاركة 1017220) وقفّ ساقه .. يعيد و يقلب اوراقه تذّكر شي ما ذاقه .. وقف يسترجع الماضي وعوّد ثم ( كسر ساقه ) على الفاضي .. الله الله الله سحر الشعر طبت وطابت أيامك

المشاركة الأصلية كتبت بواسطة عبدالإله المالك (المشاركة 1017237) غنائية عذية عاتية وليست على الفاضي بل على المليان سلمك الرحمن يا بداح