|
الـ خانتاريش ..
عامية مصرية ..
الاقتصاد على ما تُفرَج .. و الحرية ما تلاقيش و الشعب عَمَّال بـ يُفرُك .. جَرِي ورا أكل العيش ما الاسعار عَمَّالة تِغلى و الانسان عَمَّال بـ يرخَص و الوعي لَفّينُه لفَّاً .. جُوا سيجارة الحشيش و الاعلام للـ تضخيم و التهويل للـ تطبيل و التهليل للـ تضليل و التضبيش و الحرامية للـ تَهبيش و الداخلية في التَطنيش مِستَقوية بس عليا و هَرياني ضرب و تَلطيش و شتيمة و سَحل و تَهويش علي راسي يا حضرة الظابط علي راسي يا عم الشاويش بس ازاي تبقي انت الحامي و ادّيك ظهري ولا تِحميش و بـ إيُده الجوز الحرامي بـ يهَبِّش نَشل و تَنتيش و الرِيادة .. تعيش انت و الكرامة .. تعيش انت و المواطن .. انت تعيش في بلاده و برا بلاده حِتّة كلب و ما يساويش اعذروني كلامي جارح او عادي ما تعذرونيش بس احنا بقينا ع الهامش و ازاي نرضى بـ التهميش ..؟؟ فريد 21/9/2017 |
إسقاط للواقع في جبّ التوصيف !!!
ولملمة الصورة في إطارٍ شعريّ لطيف وبطريقة بسيطة رغم عمق المراد هو ذاك ما تجيده وبجدارة يالفريد لحظة ولادة الفكرة في قريحتك أهنئنا على الإنصات إليها باعتبار ما سيكون مبدع وفريد أنت |
القصيدة برغم انها عامية ..
بس بجد من القلب للقلب .. بص بقى طالما الجو عامي .. خد المفيد من الآخر .. وجامدة فحت ... واوعى بقى مرة تانية تخبي موهبة زي كدا .. ده انت كل يوم بتطلع أجمل من الي اقبله .. بجد بجد بجد قصيدة رهيبة أوي ولازم اسمعها لكل الي اعرفهم .. ^_^ تسلم ايدك يا فنان .. |
اقتباس:
مشكورة الف .. لا حُرمت من كرم مرورك تقدير و احترام و أكثر |
انهمار مختلف وفريد :)
ورد ودّ |
اقتباس:
حبيبي يا يوسف .. تسلم لي و يسلم لي مرورك كلامك فرحني بجد ما نتحرمش منك و من كرمك أصلي من يومك يا صاحبي و على وضعك دايما يا زميلي |
و الاعلام للـ تضخيم و التهويل للـ تطبيل و التهليل للـ تضليل و التضبيش الله يصلح الحال أخي الفاضل دمت بخير :icon20: |
عندما ينبض القلم بدم الشارع
فلن تجف المحبرة الدكتور فريد صح لسانك وسلم نبضك |
| الساعة الآن 02:00 AM |
Powered by vBulletin® Copyright ©2000 - 2025, Jelsoft Enterprises Ltd.