|
صرة الباب
[إلى مشرفي ومتابعي أبعاد الشعر الشعبي،،،لكم هذه المصافحة المتواضعة ,,آملا لها القبول’’’’
للحزن في صوت المحبين نبره ونة خفوق ٍ كنها صرة الباب لو ينفع المحزون وجده وصبره ماكان ساق الرجل مع ركب الاغراب على الرجاء اللي مابقى فيه دبره ولاعاد تنفع به معاذير وعتاب قلبي يرده عن مشاهيه كبره والناس واجد لكن الولف غلاب طاح الجمل من وجد قلبه بكبره وحوّل كما دمع ٍ على الخد سكاب يحن واللي قاله القلب عبره عبرة تحاسيف ٍ على غايبٍ غاب قلب ٍ ماباقي به ولا شكة ابره تكسرت في داخله شلف وحراب من لايعرفه ماقرا نزف حبره لو كان نزفه من معاليقه كتاب مالوم انا اللي جاهلٍ مايخبره الوم من روحي تطاير له اسراب ياصاحبي ياكسر قلبي وجبره من غيبتك ماعاد للقلب غياب شفني حفرت لدامي القلب قبره واقفيت وألد النظر صوب الاحباب تعال .. شاب القلب من طول صبره تشوف جرحك داخل القلب ماطاب وان كان ماسدك عن الحال عبره بالله لاقفّيت لاتقفل الباب |
سالم الرويس ...... هابك وغلا
حضور بنص وجداني وحس شعري متدفق الله محيي ها االطله ويسعدنا انضمامك لإبعاد ونتشوق لمزيد من عطاءك المتجدد وياهلابك |
سـالم الرويس
وعصافير الاحاسيس تغرد .. بنص جميل .. وباذخ أهلا بك .. وبهذا العطر .. الشعري |
الله الله سالم الرويس حضور أكثر من رائع , ونص جميل بعذوبه ورقه في المفرده , سالم الرويس حضورك الأول يجعلني أنتظرك بكل شوق , فمن يملك هذا الحس الجميل قادر على إدهاش الذائقه. صح قلبك و دمت بخير |
. . بالله لاقفيت لاتقفل الباب بالله لاقفيت لاتقفل الباب بالله لاقفيت لاتقفل الباب بالله لاقفيت لاتقفل الباب بالله لاقفيت لاتقفل الباب ياسلام ياسلام ياسلام عليك ياسالم عزالله انها مصافحه اولى كايفه وجزله صح لسانك ملاييين ولاهنت تحيتي لك . . |
: سالم الرويس : أهلاً وَ سهلاً بِكَ من المَاء إلى المَاءْ .. سَعيدٌ والله بِهذه المُصَافَحَة الوارفة الظلال .. والمُكتَنِزة بالوَرْد والسِّلال . _ إحترامي و تقديري _ http://www.qamat.net/vb/images/smilies/a36.gif |
أهلاً وسهلاً بك سالم الرويس تتشرف أبعاد أدبية بتواجدك حضورك نور فـ أهلاً . |
سالم الرويس
أهلا بك في ابعادك نص رائع وحضور راقي لك الاعجاب والمتابعه كن بخير |
| الساعة الآن 05:44 AM |
Powered by vBulletin® Copyright ©2000 - 2025, Jelsoft Enterprises Ltd.