غموضك والوضوح••
 

الليل شرّع ذكرياته من تفاصيل الجروح
كم لك تداري ليلك العاتي لوحدك بالغنا

وتجر موّالك على لحن السهر ليلٍ يبوح
واحساس هبّت بك رياحة لين ما الغصن انثنى

غامض وضوحك لو تقلّب في غموضك والوضوح
داخلْك يفضح لو تظاهر وجهك بـ قل العنا

ادناة حاجة مرّتك منها غدى صدري يفوح
يا جعْل حزن ٍمرّك البارح مردّه للفنا

اعرف عيونك لا غشاها حزن ما تغدي شحوح
يحنّ لك عرقٍ من اعماقي ليا دمعك دنا

اضحك ترا لي قلب دوم لـْ ضحكتك ضيّه يلوح
ودّه ليا ضعت بـ غياهب ليل يهديك السنا

ودوّر بيدّك في محاصيل العمر ضحكة وروح
يكفي على وجه السهر تقبل بكفّك هالجنا

اضحك ترا لي قلب دوم لـْ ضحكتك ضيّه يلوح
ودّه ليا ضعت بـ غياهب ليل يهديك السنا


جميل هذا البوح يا نوف 🤍

نوف الجميلة
مبدعة وأكثر ❤

(( مطير ....يانوف ))
 

يا جعْل حزن ٍمرّك البارح مردّه للفنا

مشاعر يتخللها خيال شعري خصب
حييت يا نوف