حـرب في المحـراب ،
 

السحابُ عليكم ،
ورحمتهُ وقطراته ،

تعب الطريق ..

نام الطريق اللي معه مافيه ذنبٍ مااقترفت ،
ولا انتبهت إلا الكلام (إ)يدور من غير احرفه !،

لو تعتقد إنّك عن المحراب والحقّ إنحرفت..
لأنّك عرفت اكثر من اللي يُفترض أن تعرفه .؟!

ياخي ترى لو ماعرفت (الله) فعلاً وش عرفت ؟!
أفكارنا لو ماازهرت باللي خلقها (مُقرفة)

يملأ الفراغات الزمن ..لو بالتفاصيل إحترفت ،،
تأكّد إن بعض الجهل ماهو بحاجة معرفة،،

هذا العمر مثل النهر حتّى لو إنك ما اغترفت ،
بس العمر لو مالزمن .. وشلون رايح تصرفه ؟

أمّا أنا سأعترف لك واعتبرني مااعترفت..
في داخلي جرّة غيابٍ من خراب مزخرفة!،

هي بوصلة هذا العنا ، منها على ضلوعي رأفت،،
أيقونة أنواع الشقاء ..فيها الأماني مُترفة !

وعن كل مايدعوا إلى الريية مع الدمع إنذرفت ،
يارب نسألك الخشوع وكل دمعه نذرفه،،

———————
مُكسّرات من ورق ..

مــ.يـاه ..

يستأذن الصدْق..الكَذِبْ !
لو مالقاء عندك جواب !
مع إنّك الماء العذب ..
أحيانًا الماء ..العذاب !

_________

كلمات غير متقاطعة..

عكست كلمة "روح "معك (ا)طلعت مكس؟!
كن الحروف احيان .. ضربة مُعلّم ،
انتي كلام بدون أحرف وانا العكس ،
انا الحروف اللي .. بحاجة تكلّم،!

——————

شوا ـطئ بريّة..

كلْ مايبعد هدير الباخرة ..
كن مايبقى بهالكون إلا انا ،
السؤال من اوّله لين آخره ؟
هل رأى الحبُ ( فُقارى ) مثلنا ؟

——————
حلول مُتحلّلة..

ضايع ولا به معمعة !
آخذته الدنياء هضم ،
أمّا الحُلول اللي معه..
أهونهن (إ)يقص العظم .

——————

#حِوار_عابر..
غ

-هل به (حقيقة) عندك اكبر من الموت ؟
-نعم..حياتي عندي أكبر حقيقة .
-طيّب طريقة ماتكفّن بتابوت ؟
-من قال لك اصلاً أدوّر طريقة؟!

—————-
يقول أحمد توفيق ( رحمهُ الله ) ..
أنا لا أخاف من الموت ، أخاف أن أموت قبل أن أعيش .

إقتباس مُعاكس..

أنا لا أخاف من الموت ، أخاف ان يتقدّم بي العمر ، ويرحل كل من في قلبي ..قبلي .

غربة سنين..

تعثّر بالحنين وضمّه البرد وضناه الشوق ،
وحيد(إ)يجاهد الأقدار بالإيمان ويجاحد ،
تسابق خطوته دمعه ماتنزل تحتْ ، تطلع فوق ،
وش أكثر غربة إن ماعاد من جيله ولا واحد ؟ .