|
رباعيات
شو صايبك تتقول اني غبت
وتارك حنين الوقت عالازهار بتعرف حروف الشعر اني ذبت ومذوب الكلمات عالزنار ------ ما بذوّب الكلمه ع خصر النار بيذوب خصر الجمر من كلمه وبحمل قناديلي فرح بيغار حتى نشوف الحب بالظلمه ----- الا كلام الشعر ما بيبقى وزواده الاحلام بدنا نشوف وكل ما كتبنا حروفنا بترقى وبتصفق النجمات النا كفوف ------- لما بخيالك ظلها بيسهر بيصير حزنك يشبه الرمان بتنزل شفاف الحب وبتسكر وبيضحك الرمان عالصوان ------ الا بعيونك يا سهر ما بنام في غربة الاحلام ما بتظل روحي الك يا ورده الايام بيت الدفا وكل الوفا الما قل ------- يا مين شفلي الحب في الالام تتظل باقي العمر تتالم عم تصرخ بحبك بهالاحلام والروح ما بتصحى تتكلم -------- يا مين ياخذلي وجع هالقلب ويسكن حنايا روح عينيي ويبقى مثل ظلي على هالدرب وان تعب دربي بحملو بديي ------ يا مين شايف هالزنود السمر عرقان فيها الوجع ليشفيك بسال الاهي اللي بايدو العمر ياخذ عمر مني انا ويعطيك |
: رُباعيات : أوّلُهَا [ رُبَا ] ، وآخرها [ آت ] ! لذلك الإبحارُ معها محفوفٌ بِمَا [هُوَ مَاطِر ] . شُكراً / أكتُبُهَا بـِ..بهجة . |
لما بخيالك ظلها بيسهر بيصير حزنك يشبه الرمان ياساتر تسلم على هاالحرفنه نجدي حاطوم لك الفل والكادي |
. . ربا عيات ولا اجمل والنووور لوجودك هناااا دام نبضك الراقي . . . |
جميلة هذه الكلمات
مررت لاستمتع بهذا العطاء والعزف المنفرد مودتي |
يا مين ياخذلي وجع هالقلب ويسكن حنايا روح عينيي ويبقى مثل ظلي على هالدرب وان تعب دربي بحملو بديي الله نجدي حاطوم كل النجوم تصفق لهذا الحضور لك الشكر كما يليق |
اقتباس:
الاخ خالد صالح الحربي مرورك وكلامك الراقي هما البهجه وشكرا لك من اعماق القلب تحياتي نجدي |
اقتباس:
الاخت الشاعره ميرال شكرا لمرورك الرائع لما مرورك عالورق يظهر بيصير وجه الشعر شي انسان تقديري ومحبتي نجدي حاطوم |
| الساعة الآن 10:59 PM |
Powered by vBulletin® Copyright ©2000 - 2025, Jelsoft Enterprises Ltd.