|
شَــــذرَة الســيــــف ...
مابـيــن مــيــلات الــزَّمَـن وإنْــكـســاره .....................عيـنٍ بــهــا غُـربَـه وعـيـنٍ بـهــا طـيـف لاَالـكـون كـون ولاَ مـداره مــداره ..................وطَبْع الجبال إنْ مَـال تَرْسِي علَى الكيف الـعِـز فارس والهَـقََـاوي مْـهَـاره ..................وأَنـا وعـيــنــي لـلـثّــريـَّا مـوالــيــف غَـنّيـت لِعْـيُـون الزمَن بـإعْـتِبَاره : ..................قَـاسِي بْفَرْكَةْ معدن الصِّدْق والزيف يابِنْت عِشْقِي : نَبْض قلْب الطهَاره ...................تَرْقَـى به الغيمـه وتِـزْدَاد تَـشْريـف مـاهُـو غُـرُور ولا تَـعَـالِي إِشَـارَه : ................ لَلِّي وقَف صِدقه علَى شَذْرَة السيف للغيم في مَـدَّة يـميـنه بْـشَـارَه ................هَاتي يمينك وإِسْكنـي بـالمهـاديف سَعَـادةٍ تَـضْحَكْ لها وإِنْت كَـارِه ................تِـحْزِن عليك النَّايِفَـــه والمشاريف مَانِي من اللّي عَايشِ لإِنتِظَـاره ................تَلْعَبْ به أيام المذَلَّـه علَى الحيـف أََمَّا غَـلاَ يَـجْلِـي عن القلب ناره ................وإِلاَّ فــرَاقٍ مَاورَاه التَّـحَـاسيــف لِي قَلْب نبْـضـه من مَهَابَةْ وقَـاره ..................مَاتَلْتَلَنّــه لابـســـات الغطاريــف رويت من حُلْو الغَـرام ومَـــرَاره ................وعَـلَّمْت عَذْبَات اللَّمَـى عَنَّةْ الكيـف أَخَذْت حَقّـي من حَـلاَه بْجـسَارَه ...............من طِيب عِشْق مْلَهَّـفَات السَّرَاجيف لَوْ كِلْ شَيٍّ لاخَسِرْتِـه خَسَاره .................كَــان المَنَـايـا سُوقَـهـا بالمَـهَـاديـف قلبي وعيني والـغَلاَ وإفْتِـخَاره ..................اللَّه خَلَـقْـنـا للثّـــرَيـَّا مـوَالـيـــف دعاس عافت الرويلي ... |
.. ** دعاس الرويلي ** قصيدة ممتعـة تزيد من جمال هذا الصباح .. لك الشكر والتقدير .. دام تواصلك المبهـج .. أرق التحايا لقلبك .. |
دعّاس
ونصّ ذو قنوف ذات شموخ تهطل علينا بـ ودقها فـ تنبت اعشاب اعجابنا بحقّ لطيف \ قويّ حرفك تحيّاتي |
أََمَّا غَـلاَ يَـجْلِـي عن القلب ناره ................وإِلاَّ فــرَاقٍ مَاورَاه التَّـحَـاسيــف قصيده فيها من شموخ وكبرياء كاتبها مايجبرنا على ان نجيز الغرور له فقط كحاله استثنائيه أخي دعاس صح قلبك ونبضك ودمت شااااااامخا كما انت أقرأك في ود ... ابونوره |
اقتباس:
الله عليكـ يا غلاي .. عز اللــه .. كفيــت ووفيــت .. قصيدهـ بمعنـى قصيدهـ ,, شامخه .. من جــوف شامـخ ,, صح لسانكـ حـتى ترضـى ,, أعجابـي بما تكـتب ,, تحياتي ,, |
تنحني الأحرف
لهكذا شعر وفكر صح قلبك ودمت بخير |
أقف بصمت أمام كلمات شامخة .. ويعجز قلمي الصغير عن التعبير .. !! ليوفيك حقك في إبداعاتك ،،، عـزيزيٌ فعـلاً كلمات شامخة فوق رؤوس الجبال ،، صح قلبك وفكرك اخى شكراً لك ،، |
الـعِـز فارس والهَـقََـاوي مْـهَـاره وأَنـا وعـيــنــي لـلـثّــريـَّا مـوالــيــف دعاس عافت دمت بعز وصح قلبك |
| الساعة الآن 08:14 AM |
Powered by vBulletin® Copyright ©2000 - 2025, Jelsoft Enterprises Ltd.