|
فرقا .. وليل
ف امان الصبر يا جرحي دام انك نويت تروح بس اصبر علي اشوي لأن فيني بقايا بوح فوانيس الفرح عتمه وليل الهم عيا يروح وجدران الحزن ضجت يفتتها الألم والنوح أحس اني على فرقاك طفلة تيتمت بدري حبلى الخوف ضاجعها تداري سرها المفضوح وين اروح زحمه وناس كثير انفاس عتمه .. والشوارع ليل ضيقه ما لها آخر تتاني بالأمل باكر تحلم! إذا كان الحلم مسموح رصيف الشارع المنسي ثقيله خطوته بالحيل فرقا ..وليل حقايب كل ما فيها أنين وخوف وكم غصه وتنهيده هدايا مغلفه ب جروح سفر يبعد بحر ممتد .. موج أسود نهاياته المدى حدها سما ب لغيوم مليانه وقلبي في المدى بحار تكسر مركبه والريح عواصف .. دربها تجريح خذت كل شي وخلت له بقايا لوح ألا يا سري المفضوح دام انك نويت تروح ف امان المركب المكسور ف امان الهم والتنهيد وحق فرقاك أترجاك .. تظل ابعيد خذ كل ما بقى فيني خذ ايامي وباقي فرحة اسنيني هدايا بعضي وكلي (بقايا انسان) يشيل الهم والأحزان اسى ينزف (بقايا جروح) |
: انهمَارٌ عّذْبٌ ، وحاءٌ لَهَا ايْحَاؤهَا وَ بَهَائَها .. تَكَرّرت كثيراً بتكرار الألَم . قد لا يكون هذا النّص الأجمَل شعريّاً ، وَ لكنّهُ الأكمَل شعوراً وَ فراشات . _ تحيّة كبيرة _ |
عذبه دائماً منتهى قريش/ تأتين كاالحلم بعد قهر الأمنيات رائعه ومبهجه جداً لكِ الحب |
الشعار المبدعه منتهى
صح قلبج وحروفج المعبره الى القمم دوماا |
زهرة تقدير لهذا الشعر
كذلك لي عودة باذن الله :) |
ابداااااااااااااع
منتهى الإبداع يامنتهى صح قلبك و إحساسك المرهف سأكون بجوار حرفك لأنه يستحق المجاوره كوني بخير ... |
الفاضله
منتهى لازلت استمتع بعذوبه ما تكتبين كل الشكر لكي على هذا الجمال دمتي بكل ود |
تحلم! إذا كان الحلم مسموح . . منتهى نصوصك دائماً لها رائحة المطر والمطر يستثير الأحلام دمتِ بنور |
| الساعة الآن 02:26 AM |
Powered by vBulletin® Copyright ©2000 - 2025, Jelsoft Enterprises Ltd.