منتديات أبعاد أدبية - اصدق الحب اتعسه

[POEM="font="Simplified Arabic,4,black,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]هل للشعر تعريف ؟

لا اعتقـد و لكـن

الشعر صدق إحساس و أحيان ن جنون و هلوسـه = وأحيان تغرق نشوة الشاعر فياف الطـرس تيـه

يبحر على متـن القوافـي و يتبختـر غطرسـه = تجري رياح الشعر و أوزانه علـى مـا يشتهيـه

المـوت لا صـارت دروبـه كلهـا متعومسـه = حتى المدى علـى رحابتـه يهبـي مـا يحتويـه

وانا مجرد شاعرن يملـك مـن الشعـر أسلسـه = ومن كل هم ن عثره و نبرة شقـاي بـلا شبيـه

جيت أحتفي بـأول جروحي و أصدق الحب اتعسه = اواااااه من زود الغلى في قلبـي أزريـت ابتديـه

و الشعر فيه من البشر بعض المواقـف تخرسـه = لا من طغى فيه الوله يسكت كذا مـن غيـر ليـه

يا أجمل جروحي يا قصيدي للفـراق و هاجسـه = يا الزفره اللي طوحت بـالهم عـن بكـرة ابيـه

لا يا بعد من عكروا صفـو القصيـد و مجلسـه = لا لا .. أبتمرد على السايد و أقـول اللـي ابيـه

لا يا بعد من عبـر الشعـر و زهـاه و سندسـه = اللي العذوبـه بصمتـه و جزالـه تدلـك عليـه

و اللـي شبابـه بالمراجـل للمعالـي كـرسـه = يفداك يا الغالـي و تستاهـل بعـد ماقيـل فيـه

اما الحثاله و الردي و اهـل الطـروق المفلسـه = تكرم عن ادناهم على اقصاهم و عن طاري السفيه

لا يا بعد من فـز لـك حتـى العيـون الناعسـه = لو طالعت رمشك تبـرق فـي بختهـا تزدريـه

الا على طاري البخت : ليـه الحظـوظ العابسـه = من بـد خلـق الله تولـج كـل وافـي تبتليـه ؟

وليه الوفي تخونـه اسبـاب العتـاب و يحبسـه = رغم العنى يتحمـل و يتجاهـل اللـي معتريـه

و ان ضاقت براعي الوفى يبقى الشعـر متنفسـه = لو كان خلـه مـا يطيـق الشعـر ولا يهتويـه

يكفيه جرح مولع ن بـأعـذب طروقـه لامسـه = و يكفي رياح الشعر تجري له على مـا يشتهيـه
[/POEM]