[حسام المجلاد]

مهما يقولون البشر فيك؛ كذّبت
ماطِيع في ملح الليال العتيقه

وإن قالوا إنك في جروحي تسببت
ردّيت.. تبقى له محبه عميقه

نسيت كل الناس وبحبكّ اسهبت
ياللي بدونك وسع هالكون/ضيقه

مالوم قلبي لاتفجّر مِن الكبت
حمّلته من الشوق مالايطيقه

كل البشر عندي تساوى ليا غبت
وإن جيت تكفي عن جميع الخليقه

شفني شباب ومن عنا صدّتك شبت
شفني صبور وعنك ما اصبر دقيقه

الشاهد الله من محبتك ماتبت
ولازلت ادوّر للملاقى* .. طريقه

وإن مرّت الفرقى ببالي تعذبت
وشلون لو صار المفارق حقيقه