[نسرين الأحمد]

..



نويت أرحل من حياتك وأطوي صفحة التذكار
نويت أرحل نويت أرحل وعيش بتذكاري


هديه والوداعيه (عيـونـي )ودمعتين صغار
بعدها القلب لك كله ولكن صون أسراري


أمانه كان لي خاطر دخيلك انسي اللي صار
بلاش تتعّب اقليبك بطول السهـر وتداري



عرفت الهم من صغري ومن غيره بدربي سار
وعرفت ان الأمل بالذات مجرد كذبة أفكاري


لقيت القلب من طيشك حزين ومنكسر منهار
ولقيت (العيـن )من جورك غذاها دمعي الجاري



عجزت ألفظ (أحبك موت) غدرني لساني الغدار
والا من قلتها لك تقول وش الطاري ؟؟


وصلنا اليوم يا فلان نهاية آخـر المشوار
تعبت أركض ورى قلبك بعد ماطال مشواري


أنا برحل من دروبك ولكن الزمن دوار
يجي لك يوم لاتنسى يجيبك شوق إجباري



وعشان اطمنك أكثر قول وردد أمرار
توفى اللي وفى بحبه وكان لدنيتي شاري


أنا ماشي من الدنيا وبترك لك بها انــذار
لعله ينفعك في يوم يكون من الفرح عاري

ترى عقبي صعب تلقى صحاري جوفها أنهار
وعشان اكون صريح أكثر ((ما اظن تتكرر انهاري ))




يجوز تلقى بالظاهر ولكن (هاليهود M) كثار
خذ بالك عدل منهم وهذي زبدة إنذاري


خلاص اليوم لاتسأل وش هي آخـر الأخبار
أنا راحل من الدنيا ماعاد تهمّك أخباري


..


لــ/ مدري