[حسن زكريا اليوسف]

المشاركة الأصلية كتبت بواسطة ايمَــان حجازي

ايام زمان
اكتب بالروج ع الحيطان
حروف الاولى من اسمى
مع اسمه ودى رسمه
كيبوبيد الغرام
والسهم وسط القلب
و كتاب قديم متساب
ف الدرج للذكرى
و الذنب كل الذنب
متعلق هناك بالقلب
ودبله لسه
مركونه ف
نفس الدرج
وسؤال مخنوق
بحبك ليه
سؤال مكتوب
بسن رصاص
على شجرة
لكن عيطت كأنى
كنت لسه هناك

وقلت كتير مانيش قايله
انا عاشقه خطفها الليل
انا تايهه ف وسط
الحيرة والتفكير

انا عاشقة ومش فارقه
بخبي طيفه ف عنيه
واخبى دموعى ف المناديل
واخاف ل يلمحوه فيا
ولاد عمى
يشوفوا اسمه متخبى
ف كشكول سلك
لسه جديد
وورقه ورده دبلانه
ريحتها ف نوته المواعيد
انا تايهه ف وسط
الحيرة والتفكير
بصوت عالى بكيت
وضحكت
ولسه بيسألوا
ده له تفسير
قلت كتير مانيش قايله
انا عاشقه خطفها الليل
انا تايهه ف وسط
الحيرة والتفكير
صحيح هو الهوى غلاب
مالوشى كبير
وياما ناس غنت
عليه مووايل
وكل ما يسألوا مالك
ردى تملى يبقى مفيش
اقول عادي
كلام فاضى
لكنه صمت

وشَكلكَ وانتَ بتقولى
مكنش يجوز تحبينى
وحشتينى

فى كل مكان لينا
ذكرى هنا وهناك
وقلت كتير مانيش قايله
انا عاشقه خطفها الليل
انا تايهه ف وسط
الحيرة والتفكير

واسيب الراديو متوارب
على وردة
ولسه بيسألونى كتير
اقول عاشقه
مهيش فارقه

إيمان الورد
أيتها الملكة
المعتقة بعبق الإبداع
صدقاً من أجمل ما قرأت في المحكي
انسيابية وبلاغة في التصوير
وفوق كل ذلك إحساس مرهف وشفيف
كان التصوير مذهلاً
فلم تتناولي الموضوع بطريقة كلاسيكية معتادة
ترجمتِ الإحساس بتصوير مبهر ولغة رقيقة عـذبة
وبلهجتك المصرية المحببة الغالية على قلوبنا
فكانت جداولها تنساب فينا كدفقات النيل وخفقاته
والخاتمة مسك
[ واسيب الراديو متوارب
على وردة
ولسه بيسألونى كتير
اقول عاشقه
مهيش فارقه ]
طوبى للراديو وللوردة وهما بجوارك
مع شهد محبتي وتسنيم تحياتي
ح س ن ز ك ر ي ا ا ل ي و س ف