أنا طفلٍ .. نسى يكبر !
نسى إن الزمن يغدر !
بسيط بصـدره .. المزهر !
أنا طفل ٍ .. حَمل ورده !
ومد لها البشر .. إيده !
لقى له .. صفعه ب خده !
وجرح ، وصوت تنهيده !
.
.
أبي أكبر مثل هالناس !
أبحمل في يديني الفاس !
بصير بدون أي إحساس !
مثل هالناس .. زي الناس !
تعبت إني وحيد .. أمشي
أبي مثل البشر .. ذولا !
ابي إني أحب وأغدر !
وأبي أحلف وابي أفجر !
وابي أكذب .. وبتكبر !
بكون أوطى ..
مثل بعض البشر .. ذولا !
تعبت إني طفل .. أبيض !
أبتعايش ..
أبتعايش !
كأن الأرض توقف بي !
تعبت .. إني وحيد أمشي !
أنا طفلٍ نسى يكبر !
نسى يغدر !
نسى يتكبر
ويفجر !
أبي أكبر .. أبي أكبر !
بصير بدون أي إحساس !
مثل هالناس .. زي الناس !