حدوني على ركب الغمارة وانا ابغي فـوق
ابي مـقـدم الصندوق ولا عـلـى السله
معي دفتر الرخصة وانا ما عرفت اسوق
ولا جيـت ابـشري مـوتـر مّا ورد كله
وإلى صبـو الفنجال الاول مـابي له ذوق
ابي ثـاني الفنجال من صافي الـدلـة
اقلط على الضيفـة وأنـا شفي المفهـوق
ابي قسمي اللـي راعـي البيـت يفطـن لـه
وانا لا تذكرته يهـايـف بــي الـطاروق
جبرني على الروحات صوبـة و انـا دلـه
هني ّ واحد ماهوب عاشق و لا معشـوق
ولا يشحنه فرقـا و لا البـعـد عــن خله