لا تواسيني بتصغير الألم
دامه بعيني و بإحساسي كبير
قلي إني أكثر إنسان أنظلم
وإنك بتبقى بصفي للأخير
لا تعاتبني على دمع وندم
لا تطلعني بهاللحظة صغير
افهم إحساسي ترى ما حدن فهم
إني أكبر من شقى عمري كثير
كم عظيم صار من جرحه عظم
يا ما كان الجرح دافع للمصير
ما أحد من لوعة الدنيا سلم
بس يفرق بعد هذا الجرح وش يصير
خلني أشكي و أعبر عن ألم
لا تقول أضحك... أنا توي كسير
الابتسامة مالها عندي طعم
وش يفيد الكحل ف عيون الضرير