[مشعل فايح]

من تقابل.. ؟؟
لو خصيمك بألف روحٍ ما انثنيت
كلّ حيّ بعزمك النار انثنا
لكن جهادك ياحيّ .. بوجه ميت
كيف للفاني اذا جالد فنا
من تقابل.. ؟؟
وإنت لا تقدر تدير الظهر للعايل
وتقفي..
ولا لمطاعن صدرك المتلوف كفّ
وتشفي..
لا مقيم وتنتظر أخذة عزيز
ولا انت راحل..
من تقابل..
نزّل ذراعك .. سلاحك
وإرم مفتاحك .. بوجه اليأس
تعرف ان اليأس عاقل ؟؟
من تقابل.. ؟؟
كل نزفٍ من هقاويك الكبار
به نبوّة..
كل كَسَرة عظم ما تجبر عدل
حلم يتشوّه..
يكفي لا تقاوم سراب
وليل بالليل وضباب
فيك للمجهول قوّة .. ؟؟
باقي بك حيل وتقابل ..!!
من تقابل..؟؟