الــحـزن ســيّـد قـــوم والــهـم تــابـوت
والـــوقــت يـحـكـمـنـا وحـــنّــا غــلابــه
كـل مـا لـمست من السماء عقد ياقوت
تـسقط من إيديني سحابه .. سحابه
كـل مـا تـجيني فـرصة الـعمر وتـفوت
اقـــول مـــا بـالـصـحرا غـيـر الـذيـابه
الموت مو بس ضيعة أحلامك .. الموت-
الـصـاحب الـوافي ان بـان الـردى بـه
غـلـطة الـغـالي تـذبـح الـقلب بـسكوت
وتـرسـم عـلـى الـوجـه الـحزين الـكآبه
والـهـم كـنـه داخــل الـصـدر مـنـحوت
لا نــامـت الـعـالـم خـفـوقي ســرا بــه
مـن كـثر مـا يـبني بـنا قصور وبيوت
كـــن الــزمـن مـعـنا يـصـفّي حـسـابه
نـصرخ مـن طـعون الليالي بلا صوت
ونـشعر كـأنّا نـعيش فـي وسـط غـابه
ونـركض ورا الاحـلام لـو فـاتنا الـفوت
وأوهــامـنـا تــطــرد تــوالــي ســرابــه
ما ادري نبي الناطور والا نبي التوت
مـا ادري الـبقر صـارت عـلينا اتشابه
والـلـي مـصـيّف بـيـن لندن وبـيروت
مــاحـس بـالـلـي جـــاب رزقــه نـهـابه
ومـن كـانت احـلامه مـن الـنوم لـلقوت
لا يــنــشـغـل بــالأســألــه والأجـــابــه
ولـو كان يلبس بشت أو عشرة بشوت
مــا هــو مـن الأشـراف ولا الـصحابه
هـذا وأنـا عـندي حـكي أكـثره مكبوت
وعــن مــا خـفـى شـعري بـنوّخ ركـابه
الـسـالفة مـو ظـفرة عـقاب فـي نـوت
الـسـالـفه اخـــت الـعـواجي جــزا بــه
والـلـي ذكــر هــاروت مـاذكـر مـاروت
وسـبـحـانـه أنــزلـهـم بـمـحـكم كـتـابـه
جـيـش الـمـغول شـجـابه لـعين جـالوت
وكـــتــب عــلــيـه الله يــعـجـل ذهــابــه
ماهو فبطن شاعر المعنى فبطن حوت
ومــــن لاعـــرف مــالـه عـلـيـنا طــلابـه..