[محمد بن شتير]

المشاركة الأصلية كتبت بواسطة عبدالمجيد الزهراني

فراغات سامرية ، من تجاويف عجل قديم

________




1⃣

( علي مساوى ) لاتكلمني تراها قافلة
وارجوك لاتفتح معاي السالفة يا ( عنبري )

لا يا ( عبادل ) ، يا ( علي ) ، شمسي تدوّر قايلة
بيعوا علي ظلالكم وانا على طول اشتري

صليت فرض الحزن يا اصحابي وزدته نافلة
اما من الفرحة ومن محرابها فانا بري

انا ورق غصنٍ نبت من دون شَجْرة عائلة
نصفي يودع للحزن والنصف الاخر يحتري

مابين ضحكة عاجزة توصل و دمعة واصله !
يوم اخذ احراني مشي تاخذني احزاني جري






2⃣





عيني تنام ودمعتي طول السنين مواصلة
ماحد درى عني عشان يعلّم اللي مادري

من دفتر الغيب السماوي صفحتيني نازلة
وانا الذي مؤمن ب ( ظهر ) الغيب وطعون ( اظهري )

تعبت اودع من رحل في نفس عفش القافلة
لئلافهم رحلة قريش الصيف ولباس العري
..


..
رحلت عن قومي وقلت الوعد بعد القابلة
ولا رجعت الا وهم والعجل عند السامري !

أسلوب متفرد ما شاء الله تبارك الله

صح لسانك يا استاذي