[قايـد الحربي]

:
؛


[ رُؤْيَا ]

؛
رتب الماء .. ( لحن اوتارنـا ) … ما بّلل النوته .. الا للغمام
و اقطف الناي من فَم الأغاني … و اقضم الآه قبل تقولها

مابنى الصمت صمته داخلك الا من الطين وانقاض الكلام
ما رقتـك السنين الا .. لأنك .. ما نْحنيت .. و بقيت بطولها

جغرف الوقت .. و ارخلك مكان يليق بك. لو على قد المقام
شف مقام الشجر لو خيّبت ظنه دروس السنه و فصولها

أذكر اني سألتك عن بكاك .. و أذكر اني شهقتك بالمنام !!
واذكر اني نسيت و ماصحيت و كنت اهد بعيوني زولها

كان هالليل لابس له عباه .. و يفتي بْما يجوز مْن الحرام
وكان هالكون مسباحِه ..و كانت له عيون السهارى لولها

قلت من يدعك الفجر البهيم وجاوبتني مصابيح الظلام
قلت من يعزف لجَرّة سمانا . و جاوبتني مخالب غولها

ياترى لو تمرّينا و مرّينا على الصبح ُ( أنشودة سلام )
منهو اللي بيعطي غصن زيتونه لـ رِجْل الحمَام ينولها

….
…