-
شكّل حرف
ودوزن نزْف !
تارة يعلو تاره خَفّ - طِفل ويلعب - تحت الغيث !
متأنق لبسه مو رّث !
يتبلل ويكوّن طين - صلصل بعضه سين وعين !
لفّ ايدينه ..
شكّل طينه
ينحت وجه بْلا تلوين
يبني من هالسيل الجاري
شاعر شعبي - نصّ - وقاري !
وأنت اللي جاي من القيض
جاي وتحمل ب ايدك غيض :
مستكثر يفرح باايديه ؟
شف تشكيله
[ هو يشكي له ]
صلصل من هالطين وجوه
" لمّا أحبابه ماشافوه "
جاي وتنهى فمّ إيديه ؟
صوت أصباعه لاتنفيه !
خلّه ينحت / نحته ينهت !
شفته يضحك ؟
همسه مُنهَك !
سرّه واضح عند الماء !
خذ أسمنتك والأسفلت !
إبن أبنيتك " أياً كنت "
خلّه يرسم - خلّه يحلم !
خلّه ياخي : بسّ يعيش !
طيّب غنّى / ضرّك ب ايش ؟
-