السلام عليكم ورحمة الله وبركاته
.
وكل عام وانتم بخير
.
هذا الحزن ما أعظمه
سميته الحزن السعيد
...
حزني وانا اللي افهمه
لو كان قيدني بقيد
...
بعض القصايد مظلمه
مثل البكى في يوم عيد
...
يالعالم المترنمه
ياللي تحبون النشيد
...
صمتي قدرت اتكلمه
هيا اسمعوا صمتي الجديد
...
أشيا كثيره مبهمه
وأشيا كثيره ماتفيد
...
مهو ضروري مُلهمه
من شان تكتب لك قصيد
...
يكفيك ذكرى مؤلمه
وأقدم رساله بالبريد
...
تلقى القوافي مسلّمه
في دفترك مثل العبيد
...
والحلم مهما تحلمه
الله يفعل مايريد
...
جرح العيون السلهمه
أول قبل حزني السعيد
...
اليوم عيني محرمه
وانا على حالي وحيد