[عون القحطاني]

عبث ..
كل هذا الحب
اللي اهديته عيونك ..
عبث ..
كل هذا العشق
اللي قفّت به ضعونك ..
.

عبث ..
عبث .. حاولت
لو اعيش من دونك
يخونني احساسي ..
ولا اقدر انسى
ياللي طيوفك بحر ..وعيوني مرسى
انا مااقدر اخونك ..

.

.

عبث .. وكل المسافه
بين قلبي واشجونك .. تعب
والله اشتاقك تعب
ياللي فراقك صعب
كنّه النار بضلوعي
.. ويشعل انفاسي لهب ..
مارحمتي مجنونك
عبث ...
يوم ان يفوت الفوت
ولابيّحت مكنونك ..
اصرخ .. ولا لي صوت
كن الكلام .. يموت
على اشفاه مضنونك ..

.

.
عبث .. هذا الشعر ..بين الضلوع العوج
. . . . . . .عبث هذا الحزن .. واستوطن اوراقي
عبث هذا البحر .. من يصطفق بي موج
. . . . . . . تهـــاوى كل ظلع .. وحنّ لــ اغراقي
من اشواقــي ادور فـ الفـــجوج افجوج
. . . . . . . تعبت ولا لقيت افـــجوج لاشــواقي
ما غير هموم في قلب المعـــنى تدوج
. . . . . . . وحرفٍ من كتــبته .. يهز خفــــاقي
ولك .. ياما زرعت من المحبــــه مروج
. . . . . . . ولكن .. مـات زرع الحب والســـاقي