[محمد علي الثوعي]

٠١ليلة البارح.افكر ..بالعمر..كيف.. المصير
ليش هذا صار واقع.. لاحلال. .ولا حرام
٠٢اتقلّب في ..فراش ٍ..ملمسه.. ناعم.. مثير
نامت اعيون.. الاوادم. وانا عيني ماتنام
٠٣ياثقل حمل ٍ اشيله يتعب اكتافي كثير
ورغم هذا في عيوني تصغر أمور ٍجسام
٠٤الشعر ..يحمل قضيه..والمشاعر تستثير
وقفته . ماهي بسيطه بالمهمات العظام
٠٥والقصيده.. مثل بنتي قدرها عندي كبير
ما تنازل عن.. شرفها .دام في كفي حسام
٠٦الذهب. ملبوسها.والماس وانواع الحرير
قطعةٍ .. مني .. وفيه .. كل مافيها تمام
٠٧لاح برق ٍ.بالسما واحترت ماشفت البشير
ارعدت ولا امطرت . يارب تجلي هالغمام
٠٨يارفيق العمر واسمع كلمة الرجل الخبير
من سما بالنفس يرقى ماتعرض للملام
٠٩لاتردت بك ظروفك. والزمان اصبح مرير
لا تناظر . في خلافك .خل نظراتك. أمام
٠١٠مهما. تعطي للبشر . لا تنتظر رد ٍ وخير
لو تحط الراس فدوه مارضت. عنك الانام
٠١١مركز الاحداث يرسل من محطاته نذير
من تدبّر في زمانه ماتردا واستقام
٠١٢سيف عز ٍ مانسيته في يدي يلمع شطير
قاطع الحدين لكن تمت الحاله ظلام
٠١٣ ماطلبت النور من فكر المقصّر والضرير
من فقد نور البصيره ماعرف درب السلام
١٤.لا تراجع لا تخاذل لكن الموقف خطير
وانا اللي . ماتركت العز. وارخصت المقام
٠١٥وادري اني شخص عادي لاوزير..ولاأمير
مامشى قبلي حرس ولاوقف بعدي نظام!!



محمد الثوعي