[محمد علي الثوعي]

ياللي غرامك فيه زيف ٍ وتشكيك
.......من عام و واكثر وانت عني تدرّا

في سابق الايام والشوق حاديك
.......قريب من قلبي لقيت المسرّا

مضرب مثل بالحب زانت مباديك
.......مايوم قلبك بالقطيعه تجرّا

فجأة تغيّر خط سيرك واناديك
.......ارجع ولكن فكرك اللي تطرّا

لا قلت اغض الطرف واتبع خطاويك
.......اشوف قلبك من غرامي تبرّا

قلبك قنع من صحبة اللي مهاويك
.......مالي عليك اليوم حكم ٍ يورّا

اللي يحبك مثل عينه يداريك
.......ما يلحقك مني عذاب ومضرّا

بالله تسهل واترك القلب مابيك
.......ماشفت خيرك فيك ذنب ٍ وشرّا

ماودي اكشف للعرب كل مافيك
.......مادام نفسك من المشاعر تعرّا

اللي خذيته من حياتي يكفّيك
.......واليوم مالك في فؤادي مقرّا



*محمد_الثوعي*

الطائف ١٤٠٩/ جريدة عكاظ