حنا كبرنا على الأشواق .... ياساره
………… وعن كل حاجـه تزيد ذنوبنـا تبنا
ماعاد ننشد عن اللي راح وأخباره
……….. مدري نسينا جروح القلب أو طبنا
صدر الشمالي بكثر الشوق وأسراره
……….. ضاق وتركنا .. ومن زود الولـه ذبنا
قومي نلملم بقايا العشق وأثاره
……… حنّـا ياسااااره بـ سبّـة عشقنا شبنا
ياما كتبنا عروب الشعر وأبكاره
……….. عنه القصايد بعوج ضلوعنا تبنى
وياما أحترقنا بنار البعد وأعذاره
………. وياما رمينا بسهم الحظ ما صبنا
عشنا بـ يمكن وبكره خير وبشاره
……….. ياما هقينا ولكن .... للأسف خبنا
خطوة قدمنا بدرب العمر محتاره
……..…. واول مشينا دروب الليل ما هبنا
مهما عطينا قلوب الناس غداره
………… ومهما نودي من الآمال ما جبنا
لكن ياسارة "رحى الأيام" دواره
………… بكرة يذوقوا مرار الفقد ... لاغبنا
قومي نطفي لهيب أشواقنا وناره
……… حنا كبرنا على الأشواق ... ما طبنا
أحلام مؤجلة