[محمد علي الثوعي]

جديد

لا تبادر في الهجر تخسر خليلك
........بعد ذيك المعرفه تقطع ..وصالك
واصل المشوار مابجهل .جميلك
........شفت قلبي راح يمك..وانتحالك
لو تقول الناس قلبك هو...دليلك
........مابقالي قلب من.. سطوة دلالك
المشاعر في ضميري ..تستميلك
........ودها ترضي. غرورك ..وانفعالك
لازعل قلبك معك يتعب. عميلك
........من يحبك صار حاله مثل حالك
من تفيا .تحت. ظلك .يستخيلك
........ غيمة ٍ بالعشق تستمطر .مخالك
من كثيرك. .ما لقيت. الا ..قليلك
........من قليلك... طبت والعزه .لفالك
في صباحك كنت والافي مقيلك
.......في حضورك مختلف هذامجالك
ردفك اللي منتثر فوقه .جديلك
........شال حمله ما تردا ..واشتكالك
فتنة ٍ مالك شبيه ٍ وسط .جيلك
........يافريد الحسن يامصعب منالك
منبهر .كلي وانا. جالس ..قبيلك
.......عطرك الفواح من صدرك وشالك
ماقدرت انطق بكلمه واشتكيلك
........عن ضياع .العمر والغربه مهالك
كم شجاع ٍ بالمحبه ..ينتمي لك
........سلمك سيفه .ودرعه .والتجالك
احترق والشوق مايبرد ..دخيلك
........غير في وصلك .ولا ودي بدالك
اذكرك لازلت والطيبه ..حصيلك
........مانسيتك..والعطا اجمل خصالك
يوم زرتك بالمسا من سلسبيلك
......ذقت شربه ضعت كلي من جمالك



محمد الثوعي