اقتباس:
المشاركة الأصلية كتبت بواسطة أحلام مؤجلة
تجي نستوقف الساعه ونرجع بالزمن مرّه
………. وكنّ العمر ماعدا ولا عشنـا تفاصيـله
تجي نعكس خطاوينا بدربن سكته مُرّه
………. وكنّ الدرب ماابعدنا ولا سرنا مجاهيله
تجي قبل الكبَر يحرق شباب ارواحنا حَرّه
.……. نحاول نرجع لموعد لقا ضاعت مواصيله
ندور عذر للغايب نقول ان الزمن غرّه
……. نقول ان الوفا زرع ونبي نقطف محاصيله
وكنّ العشق ماصادف فراق ولاانفضح سرّه
………. ولا ماتت مواعيده ، ولا ذبلت تعاليله
ندوزن نغمة الحرف ومواويلن لها جرّه
……….سوا لو نكسر الدنيا ولانكسر تفاعيله
وكن الشعر من صلبك جنيني وانتظر برّه
…….تفز ضلوعيّ الثكلى على رنّة خلاخيله
تجي نغفا عسا حلمن يصير لعيننا قرّه
……….حدوده غيم يمطرنا ، وتسقينا هماليله
سوا لو توقف الدنيا بوجه الحلم ماضرّه
…….…. بنا يتحقـق وليله نضوّي له قنـاديله
سوا نتواعد لبكرة ونرضا خيره وشرّه
…….عسا بكرة يجي احلى وتجمعنا مقابيله
مادام قلوبنا بيضاء ومادام أحلامنا حُرّه
……….تجي نتعانق وبكرة نخليه لتساهيله
أحلام مؤجلة
25 / 2 / 2025
|
هذا النص
أسقتنا هماليله
وكم حمل من الجماليات بكل تفاصيله
شكرا بلا حصر ياشاعرتنا المتوهجه