[نوف الناصر]

‏

•

•
كتبت الزاوية الثانية …
ومن باب التجريب كتبت البيتين من عدة زوايا ..

أية زاوية أجمل ؟!
•

أنا ذاك الغريب اللي نساك بْعتمة الوحدة .. وهام بْوحشة الترحال ..
وانا ذاك القريب اللي ذِكرْك وْ ما نسى وجهك .. تركته باخر المينا.!

أدورك وْ أناديلك : تعال وْ فَتّح زْرار الأماني لو يضيق الحال
أخاف الذاكرة تقفل نوافذها وتنسانا .. تنسّينا أسامينا.!
•

من زاوية ثانية ../

أنا ذاك الغريب اللي نسى وجهك .. وهام بْوحشة الترحال
وانا ذاك القريب اللي تذكرْك وْ تركته باخر المينا

واناديلك .! تعال وْ فَتّح زْرار الأماني لو يضيق الحال
أخاف الذاكرة تقفل نوافذها تنسّينا أسامينا
•

من زاوية ثالثة ../

أنا ذاك الغريب اللي يهيم بْوحشة الترحال
وانا ذاك القريب اللي تركته باخر المينا

تعال وْ فَتّح زْرار الأماني لو يضيق الحال
أخاف الذاكرة تذوي تنسّينا أسامينا.!
•

من زاوية رابعة ../

أنا ذاك الغريب بْوحشة الترحال
وانا ذاك القريب باخر المينا

تعال افْتح أزرّة لو يضيق الحال
قبل نذوي قبل ننسى أسامينا .!
•

من زاوية خامسة ../

وضعت بْوحشة الترحال
لقيتك باخر المينا .!

ذكرتك قبْل ضيق الحال
قبِل ننسى أسامينا .!


30 اغسطس 2025
‏

https://x.com/too_simple_girl/status...851649085?s=46