[تركي ناصر الحربي]

~2~


في دوام السيدة حســــوده وبعيد دق جرس الحصة الثالثة

السيدة حســـــوده: اوووووف ياربي... وش هالحالة مايمدي الواحد يرتاح الا والف شغله وراه..



زميلتـــهـــا ( نمامـــــة) : ايه وانتي صادقة ياوخيتي..ماهنا غير الشقا وليته ايعجبهم بس



تدخل احدى الطالبات : ابله ابله.....ماني فاهمة هالنقطة .. ممكن تشرحينها لي...



السيـــدة حســـوده: انقلعي عني الحينا... ماني خلقك.....



الطالبة : ابله بس بكرا ورانا اختبار ... وخايفة مااجيب علامات زينة وهذا يأثر على المعدل



السيدة حســـوده: جعلك مانجحتي انشالله.... انثبري ببيت ابوك ازينلك....ول على بنات هالوقت ..ياكثر بربرتهن....



تدخل المعلمة (خُـــــــلق) وبمعيتها جمع من الطالبـــــات....يتمازحن معهـــا..وتداعبهن بالمثل.....تفيض عليهن بشرح وافِ فيما أشكل من مسائل...



السيده حســــوده (في نفســها) : اووه ماباطن مرارتي مثل هالكمخـــة ...مسويه نفسها نصيرة الطالبات. مالها شهرين وهي متعينة .....ايه انا ادري فيها ...كله عشان تاخذ تقدير زين وتذلف باللي مايحظفها لديرتهــا..... ولا .هذي الاشكال وينها ووين التعليم....ماخترب الا بامثالها..


السيده حســـوده مخاطبة النمامـــة: .. الا اقول ياوخيتي ...الظاهر مهنا راحة.... حتى بغرفتنا ملاحقينا الطالبات....هقوتي ماهو بأخلاص ابدا... ولا شرايك..

يقاطعهم رنين الهاتف....( المديرة الجسورة على الخط):

ابله حســــوده .... وينك مانزلتي أشرافك اليوم..؟؟؟ الفسحة باديا لها ربع ساعة والبنات يتهاوشن في الحوش....



السيده حســــوده: ماني بنازلة....تعبانة.... خلي غيري بدل ماهو بجالس يبربر مع الطالبات


المديرة: اي طالبات الله يسلمك...؟ وبعدين ذا جدول المهام الرسمي


السيده حسوده: قلت لك ماني بنازله....شوفي غيري..انا مصدعه



تدخل الفراشـــة وبيدهـــا مظروف الصقت عليه فاتورة كهرباء, تنشد المعونة من صاحبات الجود.....دارت حول المعلمات.. . وماأن وصلت للسيده حســـوده الا وانفجرت فيها:
أقول ...انتوا ماتستحون على وجيهكم.. قلبتم المدارس ابواب شحاته...حسوا على دمكم يامال الماحق انشالله...



الفراشـــة (ُغــــلب) : والله ياابله زوجي ماعنده ريال ياكلنا ....والبزارين كثار....ورانا ايجار ومثلك تعرفين كل شئ غالي.... ماابي غير بس حق فاتورة الكهرب الله يحفظلك عييلك



السيده حســـوده: اهب عليك ياللي ماتخافين ربك... زوجك ماعنده دراهم.!!.. اجل وش يزين بسوق الخرده ... لا وبالعصريه شريطي.. اقول اقلبي وجهك وجيبيلنا شاهي روحـــــــــــــــــي ...


..نادتها المعلمة( خُــلق) وأاخرجت من حقيبتها شيك بأضعاف المبلغ....دعت لهـــا الفراشة بنيل المعالي وعدم الحاجة للغير

يـــتبــــــع