[عبدالمجيد العِزّه]

صباحكم / مساءكم

ورد ..

هي محاوله ( أرشيفيه ) أختارها أستاذ أعتز برايه واتشرف به ..
أضعها بين أنظاركم .. كعربون تواصل ..و اتمنى ان ترتقي لتصلكم ..

GAME OVER



أحببت هذه الجمله لا اعلم لماذا ؟
كل ما اعلمه ان هذه القصيده ليست لها




هكذا أرادت ..
كانت وسيله واصبحت غايه ..
وأحدثت ازدواجيه ممقوته ..
شكى منها القلب .. وصُفع ..
وصرخ .. وكانت صرخته ..
كذلك .. ممقوته ..
ولأنها أصبحت ..
موقوته !

.

.
..


تقبلوها بتبجحها ..



.
.
.
.

( مهو المخرج عاوز كده )

ربنا ينتئم منه ..

[POEM="font="Traditional Arabic,5,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]

وش لك بجرح الكرامه ياكريمن بالجروح=شوف حالي كيف صاير من سبايب فعلتـك
شوف بالي / وش جراله جانحٍ بـي للنـزوح=ولاخفوقك منتبه لي / ولانت جارح فلتـك
للأسف ماهو يهمك / قمت أفرح أو انـوح=كني الا شخص عابـر فـي محطـة رحلتـك
لنت راضي تلتفت لي / ولنت تاركنـي اروح=وش تبي لاصار كلي ( منتهي ) في جملتـك ؟
وش لك بإجحاف نفسٍ عيبها الفاضح وضوح=شوف كم مره .. تقهويها حثل من دلتـك !
وش تبي دام المشاعر أصبحت عندك مـزوح=يا تجي كلك والا / عش فـي غبـة غفلتـك
لي متى وأنا أرقّع/ بالخـرق ثـوب الطمـوح=وأنت في وحل التهاون غارقٍ لـي / قذلتـك
كنت اصّبر بالوهم قلبٍ على الفرحه لحـوح=والحقيقه اليوم قبلي / رغبته بـك / ملتـك
زدت في غيّك وغرّك خاطـرٍ دايـم سمـوح=لين عينٍ كنت فيها / طحت منها / وخلتـك
والله اني مارخصتك / لين شفتك لي شحـوح=في رضاك وانسجامك / واستمـرت زلتـك
خلني والروح وحده / مابعد هالـروح روح=ولا تهّون مـن مصابـي / ولاتبيّـن خِلتـك
الله اللي حط لك في قلبي الصـادق صـروح=والله اللي/ لا بغى .. شيّـن محاسـن طلتـك
[/POEM]

وسلامتكم


تلميذكم

عبدالمجيد العزّه