[هنادي المطيري]

[POEM="font="Simplified Arabic,5,darkred,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]يتعبني الوجد والتشويق والطـاري=يالله وشهو خلاص القلب من همه ؟
لا هم يحسّون بالعلـه ولا نـاري=أشب واطفي رماد وعتمتي عتمـه
الليل غادر .. واخذ معه الفرح ساري=حتى انتظاري زهق مني / قفى يمـه
ماعادت الدار يا نوض الحشى داري=اغتربت الروح .. والقلب انكره دمه
والعين منها سقـط بالحيـل مقـداري=من فوق نايف هدبها جا علـى فمّـه
ومن خلف ظلم الحديد وقسوه أسواري=جلست أشوف السقوط بعيـن مهتمـه
مابيك تدري وشعلومي .. وشخباري=أرجوك تكفى ولا كلمـه ولا كلمـه
أنا ذبحني غيابك .. وأسأل أشعاري=القافيه باكيه / والـوزن بـه غمـه
صدّقني ان الظلام الخايـب العـاري=صار أطيب من القرايب ساعه اللمه
يجلس معي وسالفتنا جمر ووجـاري=وباقي تفاصيلنا جرح / وجفا وكتمه !
وين الحقوق ان بغيت امن الهوى ثاري=هو ليه يا شرعنا ذا العشق مو تهمه ؟
ياشكوتي مالـك الا الواحـد البـاري=له اخضعي وارتجي عفوه مع الرحمه[/POEM]