[الريـــــم]

لا تخاف من الزمان الزمن ماله أمان
خِفْ من اللي كل أمانك في إيديه وتامِنه

لو حبيبك ماوفالك لو حبيبك فيك خان
أيش ترجي من زمانك النتيجة باينه !

نكتشف مُرْ الحقيقة بعد مايفوت الأوان
قلت لك لا تندفع له قلت حبي صاينه

وينه اللي صان حُبّك ما أشوفه يوم بان
قلبك اللي هو قلبك لا تحسبك ضامنه

لا تعذّر بإحتياجك .. كلنا ناقص حنان
كلّنا طفل يتمنى أي شخص يحضنه

نبني الدنيا وحنّا نوقف بنفس المكان
للأسف ينقص وفانا مع مرور الأزمنة