لمقاهي الحسيــن طقوس خاصّة أعشقها
أنا نفسي .. لا أدري لمــاذا ؟!!
[ مابحبكش ]
أيوه بـ أؤلها
وخل الدنيـا
وكُل مافيها
تعرف إني
[ مابحبكش ]
عايز تعرف كُلِ ده ليـه ؟!
لإنك أكبر عندي ياألبي
من دي الدنيـا
وكلمة [ حُـب ]
[ مابحبكش ]
فِكرك يعني
لما بترحل
يمكن أزعل أو أتداييء !!
برضو ..
ح تسأل كُلِ ده ليـه ؟!
طب إستنى
وحاول تنسى
إني فـ يوم أُولت [ بـ أحِبـك ]
ويجرى أيه لما تغيب
لإنك مهما تغيب ياعنيّا
تبئى بعيني
مش ح تغيب
[ مابحبكش ]
فاكر لمّـا
كُنت أشوفك
وأنسى العالم
وأسرح بيك
كنت ساعتها أداري بـ وشي
بس عشان ماتشوفهمش
وتعرف لما تبص بعيني إني [ أحبـك ]
وماتلومنيش !!
طب ياحياتي فكّر فيّـا
وإني بدونك ح أئدر أعيش ؟!
مين في الدنيا يئدر يفهم كل مافيّـا
بنظرة عيـن ؟!!
عارف ليـه كنت أؤلك
[ مابحبكش ]