[هيثم التميمي]

.
.









السّلام عَليكم ورحمة اللهِ وبركاته







صَباحكم / مساؤكم شِعْر










أسْعدني جداً إنضمامي لـ كوكبة أبعاد الأدبيّه الراقيّه والسّاميه في طرحِها ونهجها

آملاً من الله سبحانه وتعالى أن أرتقي لـ أفئِدتكم قبل ذائقتكم ..





.
.










مُتواضِعه أولى تتمنّى أن تنال بضعاً من الإستحسان *
















مدخل :

















جيتي سحابة صيف مابه عطايا
00000 من عقب ماكنتي للأشواق تسقين
لاتحسبين ان الهوى بالنوايا
00000 لاصار مابه وصل ماظن تحبّين
القرْب ماهو مستطيل وزوايا
00000 لجل اتعنّيني " مسائل وتدوين "
بسّ اهجريني وارحلي هالحنايا
00000 حتّى ولو صوّت يا..... لـ تْجين
الخوف ماهو من كثير الوشايا
00000 الخوف لامنّي تعلّقت .. بعدين !!








,,











مخرج :











سِلّي سيوف الشوق كلّي نياشين
00000 ومن وين ماودّ الغلا إطعنيني
إن كان دمّ العشق يامنوتي دين !
00000 فِدْوه ولو حتّى بعد تقتليني
تعبت أدوّرني مع النّاس عامين
00000 تعبت أردّد للمخاليق .. ويني ؟
عيني تغورق في غيابك غيابين
00000 غيبة غلاي وغيبتك وسْط عيني
عجزت أمنّي فرحتي باللقا.. لين
00000 صاب الورق من معمعتنا كنيني
من روحتك ياغلا غلا لين هالحين
00000 وانا اشوفك حِلم .. بيني وبيني
أهلاً هلابك عدّ ما هلّت العين
00000 واكثر من اللّوعات حزّة ونيني
واكثر من مْحارب رقادي وجفنين
00000 واكثر من اطيافك بعد مع حنيني
ياغايبه عقب البطا ... بسّ تكفين
00000 دامك عرفتي واقعي من دفيني
لاعاد ياحبّي على القلب .. تبطين
00000 نبضَه يردّد في غيابك .. ضنيني
أبيك من ودّك تودّين قلبين
00000 وانا على ودّك .. مثل ماتبيني
سِلّي سيوف الشوق كلّي نياشين
00000 ومن وين ماودّك .." أبي تطعنيني "





.
.
.

,,








أشكر توأم الرّوح " طلال التميمي " على دعْوته في هذا الألق * : )







احترامي / تقديري