[ناصر مطلق]

(((بسم الله الرحمن الرحيم)))
.
أسعد الله أوقاتكم بكل خير
وأن شاء الله دائماً وانتم بصحه وعافيه
لـ قلوبكم النقيه..!!

.
في هذه القصيده أحببت أن استخدم أسماء بحور الشعر الفصيح ..
ببعض التغيير في الوزن الصرفي ..
كـ مكمله للمعنى ومندمجه فيه لا كـ تعديد..!
.




[POEM="font="Simplified Arabic,4,darkblue,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]يابو هلا لو (تداركنا)(طويل)الدروب=على(مديد)القوافل و(الرجز)والحدا
مع مدة النيب والطرقه مسافة قلوب=لو ان حادي ضعنّا(بالهزج) ما شدا
ما كان حنت على الطرقه عيون الشعوب=خْدودهم غصن والدمعات قطر الندى
(نجتث)فيها(مضارع) وقتنا والذنوب=(بالمقتضب) تشرح اللي ضل واللي هدا
وشرح الشعور(البسيط)أليا لفحني هبوب=يصوّر(الكامل) الناقص بعيني سُدا
وان كان مالي من الدنيا محيص وهروب=يا(منسرح) وقتنا يامال قطع الجدا
من(وافر)الهم والغربه ولون الشحوب=على الطريق(السريع)برحلة المبتدا
شفت (الخفيف) بعيوني من هبوب الجنوب=يقول حيّ لموتك قلت لبى الندا
(تقارب) النار مني لين شمعي يذوب=ولا ذاب شمع الغرام وذبت قالت فدا
واليا غرست الوصل في كف ذيك اللعوب=شفت(الرمل)مثل صوتٍ مايجي له صدا
لكنّ ياهم قلبي لأستمال الغروب=لاتبدي السر تفرح به عيون العدا[/POEM]