حَدثْ في مثل ، هذا اليوم : حبيتك !
وحدّيت الفؤاد " اليوم " ع النسيان !؟
قهرني " اليوم " واحسبني تناسيتك
احسب اني قدرت اقفّل البيبان !
اثر يا صاحبي بيت الحشا " بيتـك "
ولك فيه الصدر والمجلس العمران
واثبت هاجسي اني تحاشيتك
ولكن ماطرى انسى الذي قد كان !
حدث في مثل ذاك اليوم خلّيتك
وذاك اليوم عاد اليوم للأوطان
فتحت الذاكره والدفتر / وجيتك
أغمّس بالحنين " الروح والحرمان "
و نفس الموعد اللي فيـه لبّيتــك
يلبّيني الغياب وداعي الهجران !