عز القصيد وجف نبعه وظليت
زعته وابا يزاع وشل روحي
قلت اقبلي يابيات حتى ولو بيت
وتكبرت في وسم اسمه نزوحي
عودت اناجي الليل واقول مليت
مدري درا بي الليل وكان يوحي
فيه استكنت لامر ربي وذليت
وابكيت عيني له وابديت بوحي
وناجيت ربي كان بعمري اخطيت
يقبل لي التوبه ويبرا جروحي
فضعفي يزيد ولو تظاهرت وابديت
اني بقوه اعيش جد ومزوحي
سبحانك اللهم امرضت واشفيت
وسبحانك اللهم طهرت روحي
عبدالله العقيل