[ناصر حطاب الدهمشي]

السلام عليكم ورحمة الله وبركاته ..

[poem=font="simplified arabic,4,darkblue,bold,normal" bkcolor="transparent" bkimage="" border="none,4,gray" type=2 line=1 align=center use=sp num="0,black"]
إرحلي ... مادام وقتك فاتح ابواب الرحيل=وقتنا لـــو طال صمته .. غصب نمشي نتبعه
إرحلي .. وإرمي غرامي في كفوف المستحيل=قبل ياخذه الزمان ومن ضلوعك يشلعه
و خوذي قبل القى غيــابك..كاهل ٍ فيني جليل=خوذي من صدري حنين ٍ عشرة سنين اجمعِه
خوذي كلِّي مــــا أبيني .. كـل شي ٍّ بي عليل=ما تركتي شي (فيني) يستحــق عنك أمنعـه .!
الوفـا جذع ٍ تيبـَّـس واعظم عروقه نحيل=يحتـري طيحــة كيانـه من نسايم تخلعه
طاحت أوراقه عطاشى ترجي الغيما تسيل=غيمــة ٍ صمَّـا... صياحك ياالورق ماتسمعه
إرحلي ... ماعاد باقي في ضلوعي لك خليل=إختفى .. مــدري تلاشى ..أو زماني ضيّـعِه
شفته بحلم ٍ ..غشاني .. (جادعِه) وقتي سبيل=طايح ٍ بين الدروب .. وكل طرقي يمـزعِه
يسري الليل ( إبمكانه ) لا رفيــق ولا دليل= مامعه يا كود جوعه / وإغتراب / و معمعـة
إرحلي ... قبل الليالي يــا عظيمــة بك تميل=شيلي عُمْرِك (وإشردي به) لا يطيح إبمصرِعه
و إذكريني لا رحلتي .. وإبتدى دمعك يسيل=شاعر ٍ روح إغترابـــه للمواجـِــــع تدفعــه
و اذكرك لاصار دربي تحت خطواتي ذليـل= نيزك ٍ سامر وجودي وإختفى ماودعــه
نيزك الشرق.. إنتهينــا واستعــدي للرحيل=وقتنا لـــو طال صمته .. غصب نمشي نتبعه[/poem]

0
0

وسلامتكم
0
0
ناصر حطاب العنزي