مستحيل نلتقي/ بدر العسيري
ليل وفجر
شمس وقمر
انتي وأنا
ذا حالنا
من تنتهين
أطلع أنا
قصة غريبه والله عجيبة...
واللقاء .. أصبح محال
مثل قصص الخيال
****
موت وميلاد
نار ورماد
أنتي وأنا
ذا حالنا
ياتبتدين
يا أبدا أنا...
مانلتقي مهما يصير
ولا ندري عن المصير
نركض ورى حبٍ يتيم
مثل طفلٍ تبناه العقيم
****
ياذكريات الحاضر
ابسألك وشلون يموت حبٍ قبل لا ينولد ؟
وشلووون جت ذكرياته
والماضي مابعد ابتدى؟
كل اللى أعرفه...
وفي نفس الوقت أجهله
انتي وأنا ..
مانلتقي
وحبٍ جمع بيننا ..
مانفترق
****
ياساكنه غرب وانا دياري شرق
مانتفق
تذكرين أحلى الصدف
بيننا يوم قلتلك كننا التقينا
يوم اننا تواعدنا
والمسافه قسمناها بيني وبينك
رحتي شمال وانا جنوب
والغريبه كلنا ضيعنا الدليل
مكتوب الشقى لنا مكتوب ..
والبخت عيى علينا حتى بالقليل
****
تدرين ...
ابمتطي رحلتي .. والوعد ذيك السفينة
ان عيى يجينا الوصل .. رحنا نجي له
وأدري ..
واحد فينا يسبق الثاني
واحد على متن السفينة ..
والثاني يلوح بيدينه
****
وللاسف تغرق السفينة.....
وقتها يمكن نلتقي
يوم الحي بيدينه
يمسح على الميت جبينه
فاصلة أخيرة:
غريبة ظروف الوقت
تفرقنا وحنا بالاساس ما التقينا!
سأهديها للفرح
الذي ضربني البارحة...