[نايف العتيبي]

في اناء الليل و عند تلاوة الدعاء
تسترق العفاريت الحكاية ..!!
وتندلق البداية في البداية ..!!
/
لتعيدني نقوش الوفاء المتخمة بالـ عبق ..!!
إلى طلاسم بلقيس .. ويواقيت برديس ..!!



وأنا .. أترقب مرورها عند شرفة الأشواق ..!!
يااااااااه .. حالتي يرثى لها الآن !!!!!!!


[poem=font="Simplified Arabic,6,tomato,bold,normal" bkcolor="black" bkimage="" border="none,4,gray" type=2 line=0 align=center use=ex num="0,black"]
لعنبو ذيك الرسالة ياحمد=شاش راسي وانبهر من محتواه

الجمال اللي حواها ياولد=طقّت فيوزات مخي من حلاه

زند ٍ وكف كاف ٍ وكف ٍ ويد=بالوسائط دزّها ليتاً احذاه

كف ٍ أبيض مثل قرطاس وكغد=ذكّراً في معجزة موسى وعصاه

ونقشة الحنا طلاسم او رصد=خطّه الكهنوت من دم الفتاه

خطّه الكهنوت نفّاث العقد=ودّسه الذئبي سطيح اسفل حصاه

ومبسمه مرمر يحاكي له برد=سمط لولو يبلج بحمر الشفاه

جوهر(ن) في عرش بلقيس إنرصد=جابه العفريت من قاع المياه

إنشرخ تمثال بابل وإنخمد=شمعدان الشاه من كايد سناه

الجمال اليوسفي يحرك جلد=بري حالي لاتثنّى بالعباه

كل مسطولٍ ليا شافه رشد=وراشد العقل اختلف منّه وتاه

لعنبو حيّه ملكني ثم قعد=وسط قلبٍ مايبي حيٍ سواه

هالني مثل اليهودي بالبلد=يومه استوطن اخذ حيفا وحماه

كل يوم يزيد ويزيد المدد=وعانه اببيروت ماقصّر غزاه

تنتشي كل القصايد لاقصد=وان تغنّى جاوب القمري صداه

الله ايجيره من اعيون الحسد=والله ايحفظه من أشباحٍ تباه

جعل عينٍ تستعلّه للرمد=وكل فاهٍ عاضبه تنفض جماه

من نقدني ما الومه لو نقد=مارأى اللي نون عيني قد رآه

ماهجع فكري وجفني ما رقد=كيف ابرقد وأدري ان قلبي معاه

مارد اشعاري من أسبابه هجد=وقال مالومك يانايف من بهاه

والذي القى على عبده جسد !!=ناسف القريه على روس العصاه

صاحبك بالكون مثله ماوجد=جل من سواّه واعطاه وحباه

أرسله لي ياحمد ليلة أحد=وشفني اعاني طريح ٍ من هواه

لي ثلاث أيام بين نار ولحد=يبتليه الله كما قلبي بلاه

وخاتمتها " قل هوا الله أحد "=فارج الكربات ومعيد الحياه[/poem]



للحفظ .. اضغط هنااا



فلتعذرونا نحن الشعراء ... فقط نحاول التنفس
في زمن المداخن ..