.... ومشينا
عكس اتجاه الموج
في صفحة المينا
وفي ايدينا
يغيب الضياء
في زمن
..
ماصحابه .... خاطري
ماشعربه ... ناظري
تمشي به الدنيا " عقارب "
في زمن
والامل " قارب "
على بحر الشجن !!
... والحديث يطول
ويطول بــ وطن
في قلبي الذكرى سنين
وفي قلبها لفحة حنين !
خطوه ... خطوتين
ماعاد باقي سوى خطوتين
ونعانق اطراف السماء
في لحظة شروق المساء
حبيبتي
وانا احبّك
كثر البحر ... كثر زخّات المطر
كثر ماكنت في قلبك
تذكرين
غيّ الطفوله ... والجهل
تذكرين
الورد ... وافواج النحل
والطين .. وعلبة السردين !!
والجوع .. وحسين الخبل !!
تذكرين ...
يعبث الصبح .. ونطير
فوق السعف ... ورمش النخل
ونجرّح اطراف الــ حصير !!
اطفال ---
ننام بــ سهر
نشرب ظما
والشمس بردانه ... هجير
والليل ... متناثر ... حسير !!
حبيبتي
علام هــ الموجه حزينه ؟
والشوارع غارقه في بحر المدن !
والخُطا تتنفس رصيف
والاناره ... عند الغروب
ما تأخذ نَفَس ..
والثواني تنحبس !!
وتهبّ الـ سيجاره
!!