آه يادنيا متى شفت السعد
ويا أميرة ساعدت في حسرتي
إِتْْهُمتني اني خائن للعهد
واغلقت كل الدروب بسكتي
كل كلمة من شفاها ماتِرَد
لنها ترفض دفاعي وكلمتي
أَلًفَت أبيات في ذمي بعد
واجرحتني بسهم يطعن مهجتي
ادعت حقدي عليها والحسد
وادعت اني رمست براحتي
واني بسيرتها تكلمت بعمد
واني تعاطيت النميمة بهرجتي
يابنت لاتبقين في الدنيا أبد
شكاكة ترضين تنزل عزتي
قلبي من الحسرة تخلى ولاصمد
من جرف تأنيبج بحجة فعلتي
اهديتني اسموم وأخفيتي الشهد
سمت بقلبي قبل متجي معدتي
هذا لسانج قام دوم ولاقعد
همه يحاسبني ويفضح غلطتي
ماهي بغلطة لا ولا ذلت أحد
والله بعالم وش عملت برمستي
عيني بدت تنصاب بأحقاد الرمد
وجلدي بدا ينشف ويكره دمتي
وجسدي غدا يضعف ولاجنه جسد
والشعر ملفوفٍ بغرة جبهتي
ياإخت لاتنسين لحظات اللحد
يمكن يجي يوم أودع لذتي
لاعاد ينفع مزحتج أو كل جد
يومٍ دموعج تحترق من غيبتي
إنتي بنيتي بيننا حاجز وسد
وشلون يرجع وصلنا ابدنيتي
هذا فراق بيننا لين الأبد
مادام قلبج ينفعل في حضرتي
واسأل اله الكون والفرد الصمد
يرضى علينا ويستجيب لدعوتي