[سعد المطلق]

[poem="font="simplified arabic,5,black,bold,italic" bkcolor="transparent" bkimage="" border="none,4,gray" type=2 line=0 align=center use=ex num="0,black""]كبير الحزن ينهش بالمحاني ياسكون البيت=تباعدت الخطاوي والخطاوي وجهها بابك


يفيض الدمع من حاجر عيوني كل مامريت=سرى دمعي من أهداب العيون ونام بثيابك


على وين الرحيل الله يبيحك وش بعد خليت=تخيرت الوداع ولاحسبة لجمرة أصحابك


تهون أكبر مصيبه والمصيبه كل مالديت=على قبرك بكيت من القهر والموت قفابك


بربك من هو الميت أنا وإلا أنت يوم أقفيت=عظيم كل غالي مات عقبك هان بأسبابك


تعذرني الياجيت أزفر أنفاس العذاب وجيت=أضم الطيف قبل أمسح دموعي وأحضن إترابك


أنا حي وهب عمره لغيره وإستباحه ميت=أنا ميت عشق ريح التراب وجاك يحيابك


تخيل ليلة البارح ندهتك بس مارديت=أنا أطلبك السموحه صاحبك من قلب هذرابك


رحلت الله يجيرك من عذاب القبروشسويت=وربي كل حلم عاش فيني مات بغيابك[/poem]