.
.
.
كذا يعني ..!
يموت الورد بيدك
وانت تدري
اني افراحك وعيدك ..!
من وريدك
كم شهقت
وكم بكيت
وكم سقيت
ولا لقيت
إلا الفرح ذابل على زحمة قصيدك ..!
لا تقول أهواك
وابغى اسمع جديدك ..!
مابقى بالشعر معنى
والليالي تصفع شموعي بريح الفقد
والخاسر رصيدك ..!
لاتعلمني عليَ
ولاتقول
الموت تفاح السنين
ودمعتي تشبه عبيدك ..!
قول كنا
قول متنا
قول أي حروف
غير انك تحاول تزرع شفاهي أمل
وأنت الألم
واللي بقى لك كل من بعضي
وزحمة جرح
خذها تسهر بليلك
وتعبر بك متاهاتك
عساها من لظى فقدك تعيدك ..!
.
.
.