[عبدالله بن زنان]

.
.

.





تعاال .. وينك ..؟

ما بقى فيني سحاب ..

إلا وجرحه مرَ..

مثل العمر ..

يزرع أبعادي ألم يسقي جبالك ..!




تعال فيني

واكتب آمالك على شمعة وصالك ..!

تعال كلك

واشرب احساسي ..

وخذ مني أنا

يمكن على جال السنين العابثة ..

تبهر دلالك ..!



يا غريب النبض

كلي أرض ..

وأنت أعذب مطر

همسه شجن دافي

وحضنه صبح ..

يتهادى على بالي ..

ويتمادى دلالك ..!




وين رحت

ووين غبت

وداخلي فوضى

ترتبني جروح

وتشتعل فيني مواويل الحنين

وتبتدي حمَى جدالك ..!




" كيف حالك "

أسهل من الموت

واصعب من شفاه تمرها ..

وتعيد لي فوضى احتمالك ..!




" كيف حالك "

ماتلم اللي مضى

لكنها أهون من رياح الأسى

لاجت تفاوضني

على دمعة شقا

مرت على خد السنين

ولا لقت طيفك

ولا نوض اشتعالك ..!




ليه أنا كلي هنا ..!

وليه أنا

دون كل الناس ..

ما ألقى جوااب

ولا ولا .. ألقى سؤالك ..!






.
.

.