[أكرم التلاوي]

الشاعر الأبعادي الجميل خميس الوشاحي من الشعراء الجميليين الذين تمت إجازتهم عن نص / كل ما هوّد الوسمي , أترككم مع النص الجميل :


[poem="font="simplified arabic,5,darkred,bold,italic" bkcolor="transparent" bkimage="" border="none,4,gray" type=2 line=0 align=center use=ex num="0,black""]ناحل العود ارمي ف راكد الماء حجر=عل يكسر رتابة حب..ويفيـــض سيل

طال فصل الخريـــف وحتّ كل الشجر=عرّت الريح غصن ٍ كان مشهى مقيل

شرّعت للغياب أبواب..وأضحت مفر=للاماني// وشاخت في رجاء المستحيل

يا سنيني وأنا احرث فيك شم الصخر=واتامل عسى طلعك نضيدة حصيل

وكل ما هوّد الوســمي ولاح بمزر*=قلت يا زرع ابشر جاك غيث هميل

يجرح البوح صمــت امتد (حد النظر)=وتفضي السحب سد ٍ لين روس النخيل

ويمضــــي العمر كر ٍ في خباياه فر=تجدب الأرض والبارق بوجه المخيل

ناحل العود،، ما ولــيت وجهي شطر=قبلة اليأس..وأشعاري زبن للدخيل

لكن الناس غير الناس..هذا وطر=به يـــذل العزيز,, وبه يعز الذليل


اطرق النحس.. حظ ٍ ما رضى ينكسر=ينثني ظهر ســـندانه ويشـــعل فتيل

وأنت وحدك صفيت..ولا ع جرحك أمر=سله.. ينطق ويخرس كل قـــال ٍ وقيل

ما نقش طائر غيابك ف عذقي تمر*=مره أيام لــــــــــكن ما تجرا يعيل

له مع كـــــل مرواح ٍ إشاعة خبر=وله مع كل مغـــــباش ٍ لنفيه دليل

سيد احياء روحي والحنايا ممر=جوبها حلةٍ حلة، على جمح خيل

دام معقود لي في ناصيتها ظفر=ياعويدي فما لين الجزع من سبيل

انتشلني من الإحباط .. عل انتصر=واروي الكون شعر ٍ منبعه سلسبيل

ارمي ف راكد الأحزان أصغر حجر=ينبثق منه حب ف كل مجرى يسيل[/poem]


•مزر- تعني الرهام (مفردة شعبية قديمة) , السحاب الماطر
•اقتباس ل ماينقش العصفور لبدر بن عبد المحسن


تمنياتنا بالتوفيق للشاعر الأنيق خميس الوشاحي ولكل شعراء أبعاد