[جمال الشقصي]

:
:
:


يا مالِك الحَيّ الجديد
كل عام وفلوسك شجر
كل عام وعيونك على مرأى الحديد!
والشارع بحوزة يدِك..
لِفّه هنا..
لفّه بعد لحظه هناك
الشارع أصله مسبحه
موجوده بيمنى الـ كبير
ومعقوده بكف الـ فقير!
:
يالشارع أبهى عن زمان
اليوم بضفافك بشر
ما عادت تضفك شجر
واليوم بظلالك حديد
لا شايب يمرّك ولا طفل الصباح
سيارتك هِيّ الوحيد..
اللي تكحّ وتنتحب!
تنبح على مرأى المطر
تكنس عوادمها سواليف الزهر
يالشارع بحيٍ جديد..
مزحوم..
لكنك وحيد!..
برجول تحملها الغجر
تسحب سلاسل من نباح
وجهٍ يجي
وجهٍ بظل الحِسن عيّا يلتجي
هذي ملامِحْك الجديده يا القديم!
:

يالشارع الغرّ أسألك:

[poem="font="simplified arabic,5,black,normal,normal" bkcolor="transparent" bkimage="" border="none,4,gray" type=2 line=1 align=left use=ex num="0,black""]وش تبيع الناس بك غير الدخان؟=وش شرَت من ضفتك غير الصديد؟
كلّ عام.. وذكرياتي صولجان=يحكم بذاكرتي ضحكه من حديد!![/poem]


:
:
:
: